لله شكوتـــــــــــــــــــــــــــــــــــــي

لله شكـــــوتي

ابهاي البوادي محتاره عيني

وحدي بقيت اومحد يعيني

ذبحوا أخوتي .... لله شكوتي

شعلوا بقلبي المواجع ابفقدت الإخوة وعــيالي

أوراحت الأنصـــــار ويلي أوراحوا الكانوا غـــوالي

صوبوا اسهام ابكبدتي وأصبحت وحدي أولحالي

أوبالحشـــا نــــار المـــوادع تستعر محد بقــالي

تصعب عليه ذبحت بنيني

وحدي بقيت أومحد يعيني

و أبدي كلمتي .... لله شكوتي

أبو فاضل عضيدي إلراح تهدّم حيلي بفـراقه

يمينه أويسرته عالقاع ألـم بقلوب عشـــاقه

أوعينه انصابت أوعيني تذوق ألآمـه الشـاقه

عدى ما رحمت إلدلال لهدر ادمـانه مشتاقه

أورمي الحجاره صابت جبيني

وحدي بقيت و محد يعيني

وأبقى بحسرتي .... لله شكوتي

مصعب فرقة الأحباب بعدهم محزنه روحــي

أوشيعالج لوعة الألآم تلهب نارها اجــروحي

دموعي تلفت جفوني و ينزف كالنهر موحي

و احزان البقت بالــعين تهيج بالحــزن نوحي

راح اليمين أليحمي يميني

وحدي بقيت أومحد يعيني

أوتبقى عبرتي .... لله شكوتي

و اسمع صرخة الأطفال بكاها يكـسر الخـاطر

تريـد المــاي متلهفة أوعليهم يبكـي النـــاظر

حشاهم كاللظى لهّاب أوضيم المنقهر كاسر

أريـد أســقيهم أورتــــاح و أجبر قلّت الناصــر

بسّك يا دنيه وش تطلبيني

وحدي بقيت و محد يعيني

و انه ابغربتي .... لله شكوتي

أشكي همي للهـــادي محمد جدي المختار

و قلّه جدي هضموني بظلم و الباري الجــبار

ذبحوا سورة التطهير أوسلبوا حـرمة الأطــهار

ابذبحهم أنا اذبحوني و راسي تلوحه الأشرار

اوضلع الزكية روحي و حنيني

وحدي بقيت و محد يعيني

حزّوا رقبتي .... لله شكوتي

خادم أهل البيت الأطهار

مرتضى السلطان الأحسائي

اه والف اه ياسيدي ياابا عبد الله الحسين مااعظم مصابك يامولاي
احسنت اخي مرتضى لهذه الدرر التي كتبتهااا
اجرك على سيد الشهداء عليه السلام ,,